गजल

रचना मितिः २०६९ मंसिर २४

लेखकः एम्.के. ज्वाला 

तिखा चुच्चा काँडाहरुले, कोरिएको छ वर्तमान

आफ्नो भाग्य आफंँले, फोरिएको छ वर्तमान ।।

के आशा राख्नु, कोरिएका र फोरिएकाहरुसँग

कता के गर्ने, घोरिएको छ वर्तमान ।।

आजकल सडकमा राम र लक्ष्मणहरु देखिदैनन्

पैसामा विकाएर मान्छेहरुलाई, जोरिएको छ वर्तमान ।।

तिमी पाण्डवहरुको कुरा गर्छौ, कौरवहरुको विगविगी बढ्यो

फगत घरबाटै कृष्णजीलाई, चोरिएको छ वर्तमान ।।

यहाँ मूल्य मान्यता संस्कृति, शून्यसरी विलाउँदैछन्

रावण भिष्मतन्त्रले अपराध, डोरिएको छ वर्तमान